الأربعاء، 11 فبراير 2015

لو أنك يا الله.. تسمح لي





للأسف.. اعتدت الغياب عن أي شيء، عن كل شيء!
بغض النظر عن حبي لهذا الشيء أو كرهي له..  فأنا أبتعد في نهاية الأمر وهذا هو المهم، هذا ما يُحسب عليّ..

كلما أحببت أحد ابتعدت به، كلما غضِبت من أحد ابتعدت عنه، حتى أني كلما أخذل نفسي أبتعد عني!
لا فرق عندي بين الجميع.. حتى أنا لا فرق عندي بيني وبين غيري فأنا دائما أمارس بلا خجل فعل الإبتعاد، للأسف.

حتى عنك يا الله.. حتى عنك أبتعد

ها أنا أُشرف على اتمام عامي الواحد والعشرين، ولا أعرف من أين هذه الطاقة تأتيني!
طاقة احتمالي لنفسي، احتمالي لهذا الكره الذي فاض به قلبي للعالم، لسياسات العالم وبشاعة العالم..


لو أنك فقط يا الله تسمح لي بأن أتمنى أمنية في هذا العام، حتى وإن لم تحققها، يكفيني أنك سمحت لي بأن أتمناها
ومازلت إلى الآن تُمدد لي في عمري الذي لا أفعل فيه شيء يرضيك سوى أني أحمل في هذا القلب الصغير
الكثير من الحب لك، لمخلوقاتك وللفقراء..

لو أنك يا الله تسمح لي أن أعرف كيف أعبر لأسرتي، لأصدقائي ولنصفي النقيّ عن مدى حبي وامتناني..

لو أنك يا الله تسمح لي بأن أسير في طريق هذا النور الذي أراه، أن أتذوقّه،
أن يسري في شراييني ويتشبث في كل خلية من هذا الجسد الهزيل..

لو أنك يا الله تسمح لي بأن أشعر بأمانك، او أن أجلس على عتبة بابك حتى أنام..

لو أنك تُدثِرني وتُعيدني بفطرة لا يُشوِهُها ما ترى من قُبح على هذه الأرض..

لو أنك فقط تُقربني أكثر من السماء، لكنت أسعد فتاة على هذه الأرض مستعدة تماما لإكمال عامها الواحد والعشرين
مستعدة تماما لمرحلة جديدة من حياتها، مستعدة تماما لتحَمُّل مسؤولية بيت صغير دافئ يُذكر فيه اسمُك، مستعدة تماما للقاؤك.

لو أنك يا الله.. تسمح لي


 

 
 
 
 
 
 
 
 

الثلاثاء، 13 مايو 2014

روحي إليكَ .. تُسافر


عن لهفة اللُقا والحنين لنظرة العيون ...
فكرة انك تبقى شايف اللي بتحبهم بعينك مش بصور،
عمر الصور ما كانت بتكفِّي الأحبة،
عمرها ما سدت جوع الاشتياق ..
بالعكس، الصور تشبه المية المالحة .. مهما تشرب منها عمرك ما ترتوي،
وهتفضل تعطش زيادة، لإن الصور مُسكِّن، مجرد مُسكِّن مفعوله مسيرُه يزول.


عن لهفة اللُقا اللي عمرك ما هتحس بيها إلا لو جربت الفراق، البعد والسفر ...
حسيت قبل كده انك محتاج تصدق ان اللي بتحبه موجود .. حقيقي وحواليك؟
قادر تدقق في كل تفاصيلة، حركاته، ملامحه،
قادر توصلُّه الكلام اللي عارف إنه مش هيوصل غير بنظرة من عنيك.


ومين فينا مش بيحتاج يبص في المراية كل يوم ويتأكد إن كل حاجه فيه تمام؟
مين فينا مش بيحتاج يبص للحتة اللي من روحه ويتأكد .. انها تمام!

عمرك حسيت قبل كده إن من جواك فاضي .. فاااضي أوي
معندكش حتى طاقة انك تقوم من السرير وتبطل بحلقة فـ السقف ..
عايز تستسلم لوجع مسافات طويلة باعداك عن اللي بتحبهم وعمالة تاكل في روحك
وكل يوم فـ بعدهم تحس انك بتنقص حته، بتتشتت أكتر، وكإنك بتسافرلهم!
نِفسك تسيب روحك تتسرب من بين ايديك وتبات في حضنهم.


اشتقت قبل كده انك تتوه منك، وتسافر بعيد، بعيد حتى عن نفسك؟!
ومتفكرش في اللي ممكن يجرى ..
متفكرش غير انك هتوصلهم وتلاقي نفسك فـ قربهم.


جربت تحفظ نبرات صوت اللي بتحبه، همسه،
الطريقة اللي بياخد بيها نَفَسُه، حتى تنهيدته،
وبقيت بتعرف تميِّز كل حالاته من "ألو"!
جربت تحكي في أي حاجه عشان تطوِّل في المكالمة
وتسمع صوته لأطول فترة ممكنة؟
عارف يعني إيه "الصوت" يبقى هو دليلك الوحيد
اللي بتثبت بيه انك حاسس بالطرف التاني؟ ...
المسافات بتجبرك على كده.


عارفه إنهم بيقولوا في الأمثال إن المسافات مش بس بتتحسب ببعد حبايبك عنك
لأ، المسافات هي انعدام التفاهم ما بينكم حتى لو كنتوا قريّبين،
صحيح دي تصبيرة حلوة بتخلي الواحد يبتسم ويقول لنفسه إن المودة والحب
أكبر من أي مسافات و
دايما بيحافظوا على كل حاجة حلوة بين أي اتنين،
بس نسيت أقول إن المسافات بتسبب نقص في الإدراك والتركيز.
 
- هو لو بس ينفع أشوفه مرة!




وصفولي الصبر .. لقيتُه خيال
https://soundcloud.com/hend-emara/w7dhwcldtrnc






الأحد، 4 مايو 2014

شجن ..

بحب العود
واحب الناي
واموت واعرف حقيقي ازاي ..
حاجات من دي
ساعات بتدب فيها الروح
من اللمس ومن الأنفاس
فتبقى حيّه اكتر من البشر و الناس !


#مصطفى_إبراهيم



بذور تسليم .. زهور ادراك .. فثمرة رضا :)


أيحدث أن تقف أمام المرآة فتلمح في وجهك بقايا نور .. نور خافت .. لكنه موجود !
أيحدث أن تُقلَب حياتك رأسا على عقب، فتبتسم ! يُظَن أنك تستسلم ولكنك تُسلِّم ..
تُسلِّم لمن تعرف أنه لم يتركك لاختياراتك قط ولن يخيِّب ظنك في تدبيره أبدا ..
في ظل التغييرات الكثيرة التي مررت بها، كنت أغمض عيني كلما أرهقني قلبي،
فأتخيّل أني مستلقية على ظهري فوق ماء ... يداعب الهواء وجهي فأبتسم،
تحركني الأمواج وأحيانا تهزني فتفقدني توازني، ولكني لم أغرق قط ..
كنت كلما تحركت فقدت شيئا ما، مرة فكرة رمادية سُجِنت في ذهني منذ زمن،
ومرة تتساقط من قلبي أوراق جافة متآكلة لأزهار ذبلت وآن أوان استبدالها بأخرى نضرة،
كنت كلما حركتني الأمواج شعرت أني أخَف وزنا وحِملا،
أسمع ضجيج بشر يفقدني لذة التسليم، ولكن اتجاهلهم بانشغالي بتسبيح الطيور،
أفتح عيني فجأة فأجد روحي تتنفس رغم أني ألمس الأرض بقدمي،
أشعر بذرات الهواء تتسلل إلى جميع خلايا جسدي فتوقظها من ثباتها الذي طال ...
- أيحدث أن ما تخشاه لا يكون !
- أيحدث أن ما لا تعلمه عن نفسك يساوي ما لا يعلمه الآخرون عنك .. بل يفوق !
- أيحدث أن يدهشك بعطائه ليدنيك ؟

بابتسامة رضا، وقلب أخضر وروح محلِّقة في سماء سابعة أقول لنفسي ..
يحدث، ويحدث أكثر من ذلك،
فارسم لنفسك عشرة طرق لمُرادك،
سيأتيك ما ترغب به من الطريق الحادي عشر ... فانتظر :) 



الخميس، 19 سبتمبر 2013

فراشات دينا ...

استكمالا للتفاصيل التي أحاول أن أجدد بها حياتي ...
و
بينما أنتظر كوب القرفة بالجنزبيل أن يبرد جه فـ بالي أكتب عن لقاء دينا ...
دينا محمد ، البنت اللي بشوف فـ عنيها شباك على عالم تاني
غير اللي احنا عايشين فيه ده ، عينان من الكرستال اللامع ، وابتسامه هادئة
مع كلام يترجم حرفيا ما تفكر به "من غير ما تنطق" ... من غير ما تنطق ولا كلمة .
من يوم ما شوفتها ودماغي مبطلتش تفكير ، قولت معاها اللي كنت بخاف أقوله بيني وبين نفسي ! ... حببتني فـ الحياة قد ما حببتني فـ الجهاد بالظبط ، قالتلي يومها جملة بترن فـ ودني لحد اللحظة دي ... "يا آلاء مش كل حاجه شايفنها بتلمع من بعيد تبقى منوّرة بجد ، ممكن أوي النور اللي احنا شايفينه من بعيد ده لما نقرب منه نلاقيه انعكاس حاجه تانية منوّرة عليه وممكن حاجه تاني من كتر ما نورها قريب مننا .. عامينا فـ مش قادرين نشوفه
" ... دينا قالت اللي قالته وسابتني ولحد دلوقتي بفكر فـ كل حاجه أنا شايفاها منوّرة وبراجع نفسي فيها ،
وبفكر فـ كل حاجه شايفاها مضلمة وبردو براجع نفسي فيها ... حتى أنا !

يا دينا ... أحيّيتي روحي .


واقتبستُ من دينا فراشات بتطير "بـ" روحي ...

الخميس، 5 سبتمبر 2013

تساؤل وجه على بالي ...

اتساءل ... لماذا عندما نقرر أن نحافظ على قلوبنا
من الوجع نصبح في نظر من حولنا أنانيين ..
شريرين ، وحشين ، مصطنعين .. وكلام كده كبير !
كيف لهم أن يصبحوا بهذا الجباروت فيضعوا أنفسهم
في مقام أولياء أمورنا ، ويبدؤوا بـ "التهزيق" المتواصل !
اتساءل ... لما لا يستعيذون بالله كي لا يصبحوا
مثلي ، ويدعو الله أن يعافيهم من شر خلقه
"اللي هو أنا" ... ويتركوني خلف ظهورهم ليكملوا
حياتهم النظيفة الجميلة الرايقة بعيدا ... بعيدا عني !


يا أخي أنا زفت خليك انت حلو
يا أخي ريّح دماغك
يا أخي متعرفنيش
يا أخي فش غلّك بعيد

الله !