قد أُحبط وأمِل واكتئب وانام كتييير هروبا
واحياناً بسقع استعباطاً ... وهروبا بردو
ولكن ينوَّر فـ دماغي سؤال بجح أوي :
"هو انتي اصلاً عايزة تذاكري ليه ؟ ها"
وتبدأ الردود تستخبى منو وتحاول تلاقي
المبررات ... اصلي جعانه ، عايزة انام ،
سقعانه ، اصلي لازم اغسل المواعين الأول !!
ولسة هسكِّت نفسي واكمل ف تمضية
اليوم بدون مذاكرة بس بوجع ضمير رزل ...
ألاقيه يقولي : على فكرة مش لازم تذاكري
ومش لازم تتعبي العبرة مش فـ التقدير
العبرة فـ اللي بتستفادي منو فعلا
ارد عليه جوه بالي "ايوة ايوة انت صح"
ويكمل كلامه :
متذاكريش متذاكريش انتي بتعرفي تلمي
اقوله : انت صح انت صح ... انا ياما لميت
ويريّحني اكتر واكتر ف يقول :
وبعدين انتي طول السنة بتذاكري
متذاكريش .. متذاكريـــــش .....
وارد عليه بعد تنهيده طويلة ...
اييييييه الله يريّح بالك يا جدع
يقوم فاجعني وقايل ...
بس متجيش تسأليني بعد كده
انت تاعبني ليه ومش ساكت
وتسمعيلي ف أي حاجه عشان
متسمعيش صوتي ده انا هطرشك
واياكي تسأليني هو انا زيي زي غيري ليه
ومش بتميّز فـ حاجه بحبها
مع اني تعبت وبطيخ هاااه ....
فانط من عالسرير رامية البطانية
من غير ما احاول حتى ابصلها بنظرة وداع
وامسك الورق هتنيِّل اذاكر هذاكر
هذاكر اهووووو
وابقى اسمع منك بقى ...
شدي حيلك :D
