يللي رسمت حلمك عـ الورق
مركبة تايهه وقبطانها غَــرَق
دفِتها مايلة والهوا فوقها
يهز شراعها ويفوتها
يعدّي الموج ويحدفها
فـ تِرسى فـ شط أحزانها
رماها الموج حتى الهوا خانها
تبص حواليها ... تلاقي الكل سايبنها
يا ليل أنا مجروح
ومين يفهم كلامي
تسمع نِدا من نور
أنا عندي مين يداوي
يكسر السكوت فـ يقول
"نجم السما عالي"
لو بحر الدنيا غدّار
فـ بحر السما صافي
ارفعي راسك لفوق
دفّي عنيكي تلاقي
قلبك بقى مبسوط
والفرحة مش سيعاكي
وفجأة ياخدك الشوق
فـ تسجدي للي هداكي
ترد فيا الروح
يرجعلي صوتي من تاني
"الله رب الــكــون"
ومين غيره يبقالي
!!!
!!!
19 / 6 / 2011
ليست هناك تعليقات:
إرسال تعليق